Spring naar inhoud

Onze Prins

 Prins Luc I

De nuuje prins van de Keescheknup, Luc Cremers. Hae geet regere als Prins Luc I same mit prinses Maxime en ziene adjudant en broor Coen Cremers

 Bewerken

Leef luuj va Bengelder,

Ich Prins Luc I, in ’t dagelijks leave beater bekind es Luc Cremers, bin gebore op 23 oktober 1994 in het ziekehoes in Broenssem. Getoage bin ich echter in Bengelder, op de Mestreechterweag 2. Hie hub ich joare gewooënt mit pap, mam en miene broor: Coen. Noa de sjeiïng van pap en mam bin ich hie ‘geweun’ blieve wone mit pap en Coen. Lang van ozze mancave hub v’r echter neet kinne geneete. Noa een tiedje hub ich een bonusmam d’r bie gekrege die dan oog bie os is ingetrokke.

Noa de basisschool bin ich noa ‘t Trevianum in Zitterd gegange. Doa bin ich begoosj op het atheneum, dat echter get te hoog gegrepen woar en hub dan oog een stepke teruk gedoan. Zo hub ich later waal mien Havo diploma weten te behoale. Tsja en dan…? Mien ganse leave wirk ich al geer mit de henj, is het noe op de boerderie of in de tuin, es ich mer mit de henj kin wirke. Zo hub ich de keuze gemaak om de techniek in te goan. Ich bin toen gesjtart mit de HBO-opleiding: Technische Bedrijfskunde. Mer zo es g’r wellicht al kint roaje, woar mich dat veul te theoretisch. Ich wilde get mier in de praktijk doon. Die beuk keeme mich de naas oet. Toen hub ich d’r vuur gekoaze om een versnelde MBO-opleiding Werktuigbouwkunde te volge. Dit eindigde in een een aafsjtudeerproject bie de DIS in Zitterd. (tegeweurdig Refresco). Een bedrief dat blikke aafvult vuur groëte bedrieve in beer en energiedranke. Bie dat bedrief bin ich, noa een kort uitstapje, noe een goei 2 joar werkzaam. Ich wirk es steuringsmonteur. Dat hilt in dat ich, es de productielijn neet lup doer een technisch mankement, wier opgerope om dit te herstelle. Én als er neet veul mankemente zin… dan is d’r altied tied veur een tas koffie of gepland onderhoud.

Sinds joar en daag bin ich ooch te vinge op de voetbalwei. Zo woar dat bie os heem lang een standaard ritueel: zoaterdig mit de jeugd van RKDFC en op zondig langs de lijn bie pap bie BVC. Wat kooste Coen en ich os verheuge op die 15 minuten wienie de rust aanbrook. Mochte v’r eave preuve aan ’t hoofdveld. Zelf sjpeel ich noe oog al geruime tied op ’t ieësjte elftal van Merkelbek. Hieël lang es keeper, noe oog es sjpits of wo de trainer mich nudig head. Anger hobbies zin lekker get ‘beune’ oppe boerderie.

Mit mien prinses Maxime (Andrieu) bin ich noe een goeie 5,5 joar same. Een meadje van Merkelbek mit Bengelders-blood. Aafgelope december hub v’r samen een hoes gekoch in Merkelbek. Hie mot nog het een en anger aan gebeure. Doarom zal ich nog zeker 1,5 joar, bie pap en Asta, blieve wonen.

Ich hoop dat g’r hie mit een bietje unne indruk van mich hubt gekrege en ich hoop uch dan oog mit de Vasteloavend vaak genog te treffe!

Prins Luc I